Shillong: Ka Amazon India mynta ka sngi ka la pynbna paidbah ba ka la lah ban thaw ïa ki lad aikam aijam kumba palat 11.6 lak tylli (1.16 million) la ka long na ka bynta ki jingtrei kiba hap ban trei beit bad kane ka kompany ne ha kiwei ki kam kiba don ka jingïadei bad kane ka kompani, kaba la lah ban wanrah haduh jan kot $5 billion ha ki kam shalan mar bad pynkylla ïa ki kam ki jingtrei sha ka digital ïa palat 40 lak tylli (4 million) ki kam kiba hap hapoh ka MSME ha India kat haduh mynta. Ha u bnai Kyllalyngkot jong u snem 2020, ha ka sien banyngkong ba la pynlong ïa ka Amazon Smbhav, ka kompani ka la ai ka jingpyntikna ban pynkylla digital kumba 1 klur tylli (10 million) ki MSME, ka ban ïarap ban wanrah haduh $10 billion ka jinglah ban shalan ïa ki mar ki mata bad thaw haduh 20 lak tylli ki kam ki jam (2 million) ha India katha duh u snem 2025. Ka Amazon mynta ka don ha ka lynti ban poi sha ka thong ban pynurlong ïa kane ka jingkular, bad nalor kata ka dang lah shuh shuh ban pynlong ïa ka jingshalan ïa ki mar ki mata da ar shah na India, bad kumta kat haduh ka snem 2025 kane ka kompani ryngkatlang kan sa lah ban shalan ïa ki mar kumba $20 billion na India.
Ha u snem baladep ha ka Amazon Smbhav 2021, ka Amazon ka pynbna haduh $250 MM ka Amazon Smbhav Venture Fund yn bei tyngka na ka bynta ki nongseng kam seng jam.
