Synran ka KSU Delhi Unit ban leit shaw ïa ka met ka Jessica Kharbithai na Rajasthan

Shillong, Jymmang, 23: Ka Khasi Students’ Union Delhi Unit ha ka Lah Sngi U Blei hapoh ka jingïalam jong u Publicity Secretary u Samla Romey Sohbar hadien ka jingpynsngew na ka liang jong ki bahaing ïa ka jjngsngewkhia ban leit shapoh Rajasthan mar mar ka seng ka la shimkhia ban leit synran lang na ka bynta ban pynpoi ïa ka met jong ka samla Jessica Kharbihthai, 36 snem ka rta kaba la khlad noh ha ing sah jong ka, ha Jaipur, Rajasthan na ka daw jong ka jingshitom.
Ïa ka jingleh Post Mortem ryngkat ki jingdonkam baroh, la lah ban pyndep ha katei ha kane ka sngi sngi hapoh SMS Hospital, Jaipur bad ïa ka met la pynkit da ka Ambulance sha nongbah Delhi na ka bynta ban pynpoi sha Meghalaya ha ka sngi kaba bud.
Ka KSU Delhi Unit ka phah ïa u kyrwoh sngewlem sha ka ïng ka sem jong ka samla Jessica Kharbithai bad kumjuh ruh ka phah ka jingsngewnguh sha kito kiba la kner jingïarap ha kum kane ka por kaba sngewsih naduh ka KSU Sengkmie, ka Dr. Vanora Nongrum kaba long ka Medical Commissioner jong ka ESI North India, ka KJCF, ka Meghalaya House, ki MP ka Lok Sabha napoh ka jylla bad kiwei kiwei.