Shillong, Nailar 31: Ka kynhun lehkai jong ka Diengpasoh SC ka la ïoh ban khur ïa ka namjop kaba suk da kaba pynbam ïa ka Laitkroh SC haduh 8 kol ha ka jingïakhun ba la long hynne ka Sngi Palei, ha madan 3rd Ground, Polo.
U Bapynkmenlang Kharsati u la khyrwit haduh san kol (1, 10,18,43 & 60 minit). u Wanteiskhem Kurbah shi kol ( 27min), nangta u Suklang Baino 2 kol (52 min & 63min).
Ka jingïakhun mynta ka sngi kan long hapdeng ka Mawlynrei SC ka ban aireng pyrshah ïa ka Dilingiem YSCWA, bad ka por ïalehkai kan long 5 baje janmiet, ha madan 3rd Ground, Polo.
Ka thup kyrteng ki rangïalehkai U-14ban aireng ha ka Sub-Junior National Football Championship: Akimrag Momin, Baniar Kharsohnoh, Damebantei Kharkongor, Daplangki Kharmujai, Hameshwa Siangshai, Iaisanlang Dohling, Krebinson Marwein, Mewanpyntngen Lyngkhoi, Nangteiphyrnai Kharumnuid, Prosperwell Ryntong, Roderick Khongjee, Shanbok Basawiawmoit, Yeomanlyson Shadap, Deiwakordormi Dkhar, Ricky Mawlong, Dasuk Banphrang Diengdoh., Teibor Kharkylliang, Wanmiijuh Pajuh, Medonbanshan Kurkalang bad u Robindor Kyrsian.
Coach: Bah Aibanjop Shadap, Asst. Coach: Bah Dame Kyndiah, Manager: Bah Cleverson Syiemlieh