Shillong, Risaw 25: Ka jingïakhun quarter final jong ka lympung SSA 4th DIVISION Football League 2023 hynne ka Sngi Balang (25 tarik Risaw, 2023) ba la pynlong ha madan 1st Ground SSA Stadium ka la jam sha kaba kut ha kaba ka Kharang SC ka la kylla long ka kynhun ba nyngkong ban ïohrung sha ka semi final hadien ba ka la jop salit da shi kol ïa ka Pommura SC.
Haba phai sha ka jingïakhun hapdeng kine ki ar kynhun ka la long kaba ïakhaid bad kaba itynnat, haduh kaba kut jong ka kylla step ym shym la don ba lah ban pynkhihjar hynrei tang katto katne minit ba la ïaid ka por ha ka kylla kaba ar, ka Kharang SC ka la ïoh ban pynkhihjar lyngba u Laban Taro (47 minit).
Kane ka shi kol na u Laban Taro ka la ïeng skhem haduh kaba kut jong ka por ba la buh kaba la pynlong ïa ka Kharang SC ban khylliap ïa ka jingïakhun da ka namjop.
Ka jingïakhun mynta ka sngi Palei (26 tarik Risaw, 2023) kan sdang ha ka por 2 baje nohphaisngi ha 1st Ground SSA Stadium, Polo hapdeng ka Mawpdang SC pyrshah ïa ka Iatyllilang SC.
