SHILLONG, Jylliew 22: Ka Lamlynti FC ka la bteng ïa ka jingjop ba paka jong ka ha ki jingïakhun jong ka Group A ha ka lympung Shillong Sports Association 3rd Division Football league 2026, da kaba pynliem noh ïa ka Nongumlong SC da 2-1 hynne ka sngi Nyngkong.
U Biangki Khongjoh (18 & 21’) u la pynkhihjar ar sien ha ka kylla step ban buh hakhmat ïa ka Lamlynti, kaba la biang pura ïa ka kynhun ba kan khur ïa ka jingjop bad lamkhmat ïa ka Group A da 6 point.
Ka Nongumlong SC ka la pynphai shi kol lyngba u Tony Syngkli (51’).
Shuwa kane, ka Umiew Maw U Sam ka la kyntiew ïalade sha ka kyrdan ba ar ha ka Group da kaba pynliem ïa ka Mawlynrei SC da 3-1.
Ka Umiew Maw U Sam ka la pynkhihjar lyngba u Banlamkupar Rynjah (16’), u Tiskhemlang Kharmylliem (74’) bad ka kol ba la kum thep hi da u rangïalehkai ka Mawlynrei u Manglianjam Zou (65’).
Ka shi kol jong ka Mawlynrei la thep da u Shanbok Marboh (21’).
Ka prokram ïalehkai Group B jong ka SSA 3rd Division 2026 ha kane ka sngi baar
Tarik- 23.06.2026
Jaka: SSA Ground Por- 1:00PM Kharang SC (vs) Umphyrnai SC
Jaka: SSA Ground Por- 4:00PM Lawmali Pyllun SC (vs) Lummawbah SC