Sohra International Half Marathon 2023: Naduh lashai ka sngi yn sdang ban sam ïa ki Chest no bad ki Tshirt

Shillong, Nailur 26: Ka jingsam ïa ki Chest no, Tshirt,  food coupon kan sdang naduh lashai ka sngi ka 28 tarik haduh 29 tarik u Nailur naduh ka por 10 baje mynstep haduh 6 baje janmiet na Shillong sports stadium, Ground 1 shuwa ban jam sha ka sngi pynlong ïa kane ka jingïakop mareh.
La pyntip ruh ba ka Bus ka mih na Shillong sha Sohra ha ka por 5 baje mynstep ha ka 30 tarik Nailur markhmat ka All saint church mar pyrshah ïa ka Soso Tham Auditorium, bad la kyrpad ïa ki nongshimbynta ha kane ka jingïakop mareh ban poi ha ka por ba biang ha katei ka step.