Sngewnguh ki nongkhaïi dewïong bad trai trok ïa u CM ba leit tynruh ïa ka kam tih sha Delhi

Shillong, Naitung 12 : Ka State Cooordination Committee of Coal Owners, Miners, Exporters & Dealers Forum ka la pynpaw ka jingsngewnguh bad ai khublei ïa u Myntri Rangbah ka jylla u Conrad K Sangma uba la shim khia ban leit tynruh bad ïakren sha Delhi halor ka kam tih dewiong hapoh ka jylla kaba pynrit ïa ka jaka khnang ba baroh kin kot bor ban trei ïa ka kam.
U Chairman ka Forum ubah Sonny L Khyriem ul a ïathuh ba ka kynhun ka la leit ïa kynduh ia u Myntri Rangbah ha ka 22 tarik Jylliew bad ai jingthoh sha u halor ka kam tih dewiong kat kum ka juk saian hynrei ban pynrit noh ïa ka jaka.
U la ïaroh ïa u Myntri Rangbah uba la leit ïa kynduh ïa u Myntri ka sorkar pdeng ba dei peit ïa ki kam tih marpoh khyndew ban ïakren halor kane ka kam.
Kane ka jingshim khia kloi jong u Myntri Rangbah khlem pep kan ïarap ban ïoh sdang noh ïa ka kam tih dewiong hapoh ka jylla, ong u bah Sonny.
U la ïathuh ba u Myntri ka sorkar pdeng u la kular ban thaw daka Joint Committee ban kynthup ia ka sorkar jylla bad ka sorkar pdeng ban thaw ki lad ki lynti kumno ban pynïaid shakhmat ïa kane ka kam.
Ka Forum ka ai khublei shikatdei eh ïa kane ka jingshim khia kloi jong u myntri rangbah bad ka kyrmen ruh ba kane ka kam kan sa urlong noh shen bad kane kan ai jingkyrmen pat sa shisien ïa ki nongkhaïi dewiong ban ïoh pyntrei ïa ka kam kaba la shu sahteng la slem bah.
U bah Sonny u la ai khublei ruh ïa ka jingkyrshan tylli ki arngut ki SYmbud Myntri Rangbah u bah Prestone Tynsong bad Ma Sniawbhalang Dkhar, k MLA naduh u ma Kyrmen Shylla, Gabriel Wahlang, Santa Mary Shylla, Pius Marwein bad wat \ki MLA ba rim kum u bah Gigur Myrthong, Shitlang Pale, bad Justin Dkhar.