Shillong, Nailar 19: U MLA ka 19 South Shillong uba dei ruh u Myntri Sorkar u Bah Sanbor Shullai u la pynpaw ka jngsngewsih kaba khraw halor ka jingkhlad noh jong ka (Late) Kong Rebecca Vanessa Suchiang ha ka 18 tarik u Nailar 2026.Kaba long ka Chief Secretary kynthei trai ri trai muluk ba nyngkong jong ka Jylla Meghalaya.
Ka long ka riewstad, ka nongpyniaid bad ka nongiada.Ka la long ka briew kaba shlur, kaba kren beit bad kaba shai ha ka jinglong bad ka nongkren kaba tbit bha kaba dap da ka jingsngewtynnat bad ka briew kaba shlur.Yn kynmaw ïa ka na ka bynta ka jingshakri jong ka bad ka jinglong ba bun jait ha ka imlang sahlang.Ka la long ka kmie bad ka nongsumar ia kiba duk, kiba kyrduh bad ka bynta kaba kham tlot.
(L) Kong Rebecca, U Blei U la tip bad U la ïohi ïa ki jingjynjar jong phi.Nangta ka la rai ban pynkut noh ïa ki ummat, ka jingsngewsih bad kiwei kiwei.Hooid ka jingiap ka iehnoh ïa ka jingsngewsih kaba ym lah ban pynkoit satia, hynrei ka jingieit ka iehnoh ïa ka jingkynmaw ksiar kaba ym don mano mano ba lah ban tuh. Ka la pynmong ïa ka dohnud jong ngi ban duh noh ïa phi, hynrei phim shym la leit marwei namar ka bynta jong ngi ka la leit ryngkat bad phi ha ka sngi ba U Blei u khot ïa phi sha la iing.
Nga, na ka liang jong nga, ka ïing ka sem bad ki paidbah jong ka Constituency jong nga, bad ka sorkar Meghalaya nga pynpaw ïa ka jingsngewlem kaba khraw sha ki bahaïing hasem bad kiba jan jong kane ka longïing kaba la duh noh.
Ngi duwai ba U Blei Uba donbor baroh un ïalam, un pyntngen bad un aibor ïa ki ha kane ka por kaba dum tam jong ka jingim jong ki. “Ka jingkynmaw ksiar jong ki jingphuh samrkhie jong phi kan ïai sah ha ki dohnud jong ngi”
