Shongkun ka leh Niam Sngi Thohdieng bakhuid ka Balang Katholik ha Nongpoh Parish

0

Nongpoh, Ïaiong 08: Kum ba shi satlak ka pyrthei hynnin ka sngi Thohdieng ki Khristan bapher bapher ki la kynmaw burom ïa kata ka sngi kaba U Jisu u la shah sar Narphna ban ïap halor u Lum Karbari na ka bynta ban pynim ïa ngi ki Nongpop bad na ka liang ki paid riewngeit ka Balang Katholik jong ka Nongpoh Parish ki la leh burom ïa kane ka sngi ban kynmaw burom ïa kata ka jingshah sah narpna u Jisu halor u Lum Kalbari.
Ki paid riewngeit ka Balang Katholik Nongpoh Parish ki la leh burom ruh ïa kane ka sngi khuid da kaba pynlong ïa kata ka jingïaid lynti Diengpha ban puson halor kata ka jingshah sah narphna u Jisu myn ar hajar snem mynshua bad kum ki paid riewngeit ki la leh riew blei da kaba pyndep ïa kata ka jingleh pusa ïa ka jingïaid lynti u Jisu naduh ba la sdang nan pynshitom bad pynbah ïa ka Diengphna haduh ban da poi halor u Lum Kalbari ba la sah Narphna ïa u Jisu.
Haba pusa ne leh riewblei ïa kane ka jingshah shitom u Jisu, ki samla ryngkat ka Parish ki la leh da ka rukom kaba kham pher ban pyni syndon da ki dak ki shin halor ka jingïaid lynti ba la shim bynta da ki khun samla bapher bapher da kaba ki la ak thik kum ha ka por ba la shah pynshitom u Jisu.
Ki la don ki bynta bapher bapher naduh ka jingsah sympat, ka jingshah bom shah shoh u Jisu ha ki Shipai Roman bad kumjuh ruh ka jingkyllon u Jisi ha kaba bah ïa ka dieng pha la pyni sha ki paid riewngeit da kaba ki khun samla ki la ak bad shim ha ki bynta bapher bapher bad bun ki paid riewngeit ki la sngew hun jrut ban shim bynta namar ki sngew ba la lah ban leh burom ne puson halor kane ka jingshah shitom u Jisu tad haduh ba la shah sah narphna ba ki paid Khristan ki ngeit ba u Jisu u wan sha kane ka pyrthei ban shah sah narpha na ka bynta ban pynim pat ïa kiba pop ha kane ka pyrthei.
Shuh shuh, ha kane ka sngi, nalor ka jingleh burom ïa ka jingïaid lynti Diengphna bud sa ka jingleh burom ïa ka Diengpha u Jisu bad la pynkut da ka Mass bakhuid ba la khiña la khriam da u Fr. Peter Syiemlieh kum u Parish Priest ryngka ka jingdon lang kiwei kiwei ki phadar, ki sister bad ki paid riewngeit ka Balang Katholik na Nongpoh Parish.

Leave A Reply

Your email address will not be published.