Pynshai paidbah u SDO-Sadar, EJHD ïa ka QCOs na ka bynta ki paidbah kiba die ba thied ïa ki tiar
Khliehriat iaiong 08 : U Sub- Divisional Officer (Sadar), East Jaiñtia Hills District, u pynbna paidbah ba kum ka jingrakhe ïa ka jingdap 75 snem ka jingioh laitluid ka ri India, ka “Azaadi ka Amrit Mahotsav, ka Central Consumer Protection Authority (CCPA), ka la pyllait paidbah ha baroh kawei ka ri ïa kawei ka campaign, kum ka jingpynshai paidbah sha ki nong die, nong thied ba ki nongthied kin lait na kano kano ka jingshah thok, kaba long ka jingpyn kheiñ ïa ka aiñ.
Katkum ki kyndon ne Section 2(10) jong ka Consumer Protection Act, 2019, kino kino ki tiar kiba die beaiñ, ba pynkhieñ ïa ka aiñ (violate the standard), ki hap hapoh ka QCOs, ki pynkhieñ ruh ïa ka aiñ jong ka Consumer Act.
Shuh shuh ruh, ki kyndon aiñ, Section 2(47) jong ka Consumer Act, ka ïada ïa ki paidbah na kano kano ka jingkhaiï beaiñ ïa ki tiar da ka lynti bym dei, ka ïada ruh na kano kano kaba wanrah jingma, jingmynsaw na kaba pyndonkam ïa kita ki tiar, kane ka jingïada ïa ki paidbah nongthied ka long katlum ki kyndon ba la buh ha ka Consumer Right, Section 2(9) jong ka Consumer Protection Act.
Lah ban kdew ba kane ka QCOs, ba la pynbna da ka sorkar pdeng kaba dei na ka bynta ki nongthied, ki kynthup ïa ki tiar khaïi kum ki Electric Immersion, Water Heaters IS 302-2-201 (1992), Electric Iron IS 302-2-3(1992), Switches, ba pyndonkam ha ïing (IS 3854:1998), ki Hand Held Blender IS 302: Part 2 Sec 14, ki Domestic Electric Food Mixer(Liquidizers and Grinders) bad ki Centrifugal Juicer IS 4250, ki Gas Stove, ba pyndonkam ha iing , Liquefied Petroleum Gases IS 4246:20020, Aluminium Foil, kiba song jingbam, (Food Packaging IS 15392), ki kor suh jaiñ (Sewing Machines IS 15449: Part 1:2004), ki Helmet, na ka bynta kito kiba ñiah ar shaka, (IS 4151: 2015), Microwave Oven IS 302: Part 2: Sec 25: 2014 bad ki Cooking Gas Cylinder (as specified in Gas Cylinder Rules, 2016).
Ka jingpynkheiñ aiñ ka buh jingeh bad buh jingma ïa ki paidbah bad ka lah ruh ban wanrah ïa ka jingmynsaw ba jur, na kata ka daw ki nongthied ki dei ban long kiba phikr bha ba dei ban da peit bha ïa ki tiar ki tar kiba dei ban long kiba bit ba biang, kiba don ïa ki valid ISI, ha shwa ban thied.