Leit kynduh DM&HO ka KSU bad byrthen khangtala ïa ka Namdong CHC Jowai, Ïaïong 8: Hadien ba la ïoh jingujor na ki paidbah ka thaiñ halor ka jing dkhoh treikam ka CHC Namdong, ka Khasi Student Union (KSU) Namdong Area Unit ha kane ka 6 tarik haka jingïalam u Adhoc President samla Kitboklang Lamare bad u General Secretary samla Juhhi Tariang bad katto katne ngut ki dkhot ki la leit kynduh bad buh jingthoh halor ba ka tei ka CHC bad kam ym lah shuh ban pdiang ïa ki nongpang ban shah sumar namar ba ym don um ka CHC la shi bnai shiteng mynta. Halor kane Ka seng kala pynpaw ba kam sngew lah ban pdiang ba kat ka CHC kam don ïa u motor tan um uba biang, kumta kala leit ban ïa kynduh bad u DM&HO u Dr. K. C. Ajar. Ka seng ha ka jingïakren bad u DM&HO ula kular ban shimkhia ban pynbiang hapoh shitaïew bad naka liang ka seng kala kren shai ba lada ym lah ban pynbiang um ne pdiang ïaki nongpang kam banse ban khangtala lane shim da kiwei pat ki sienjam ïa katei ka CHC bad na ka liang kiba dei peit kin hap shim ïaka jing kit khlieh ong ka seng. Ka seng kala ïoh ruh ban pynsngew sha u DM&HO halor ka jing bym biang por ki nongtrei kum ki chokidar, pharmacist, bad kiwei deki nongtrei hapoh katei ka CHC, pynkut ka kyrwoh khubor bala phah na u samla Juhhi Tariang.