Khliehriat, Jymmang 03 : Kum shibynta ban pynneh pynsah ïa ka shongsuk shongsaiñ ha ki jaka bad ki shnong ba khappud bad ka ri Bangladesh mynta ka sngi ka 3 tarik u jymmang 2025 la pynlong ïa ka jingialang ba kyrpang ha shnong Lejri bad ha shnong Borsara ki shnong kiba don ha East Jaiñtia Hills District kiba khappud bad ka ri Bangladesh, ka jingthmu jong kane ka jingialang ka long ruh ba pynkhlaiñ shuh shuh ïa ki bor pahara ha ki jaka ba khappud bad ka ri Bangladesh.Na ka liang ka tnat pulit la leit ban mihkhmat da ki heh pulit kiba na Umkiang Patrolling Post, ki heh shipai jong ka tnat BSF bad shuh shuh kane ka long ban wanrah ruh ka jingïatreilang hapdeng ki bor pahara kiba na ka tnat pulit bad tnat BSF kumjuh ruh bad ki paidbah kiba na ka ka thaiñ khappud. Ha katei ka jingialang la ïakren halor ki lad ban khanglad ban ïa ki briew ban jam sha shiliang ban leit sha Bangladesh bad khanglad ruh ïa ki jingkhaiï beaiñ ha ki jaka khappud.Ïa kaba kum kane ka jingialang yn sa nang pynlong na ka por sha ka por khnang ban pynneh ïa ka shongsuk ha ki jaka ba khappud bad ka ri Bangladesh.
