Shillong, Jymmang, 07: Ka kynhun nong niah thuk thuk jong ka jylla Meghalaya bala tip kum ka The Ultimate Legend Bikers Association (TULBA) Central Body mynta ka sngi ka 6 tarik u Jymmang 2023 ki la ioh ban pynskhem ia ki nong kitkam ba thymmai jong ka seng na ka bynta ka samoi treikam jong u snem 2023-2026 ha kaba ia kane ka jing ialang ki la pynlong ha Lawmali Dorbar Hall East Khasi Hills District.
Ki nongkitkam ba thymmai ha ka shlem treikam jong ka ‘The Ultimate Legend Bikers Association’ (TULBA) jong ka Central Body na ka bynta u snem 2023-2026 ki long u bah Rishandon Nongrum kum u President, u bah Odicios Shullai kum u Vice President, u bah Kyrshanlang Nongbri kum u Working President, u bah Banbhalang Mawiong kum u Secretary, u bah Richbemous Rani kum u Organising Secretary, u bah Meshak Sungoh kum u Finance Secretary, u bah Franky Nongrum kum u Sports Secretary, u bah Jershai Marbaniang kum u Social Secretary, u bah Samuel Kurbah Education kum u Public Secretary, u bah Shestar Kharbani kum u Education Secretary, lem bad bad ki ar ngut ki Co-ordinator kata u Pastor Lamborne Kharbudon bad bah Splendour Sawkmie ha ryngkat ki Dkhot sha ka Executive Committee kat u bah Bympher Lyndem, u bah Evandor L. Nongpyiur bad u bah Wankit Nongkynrih.
Ïa ka jingïalang ha kane ka sngi la pynïaid da u bah P.S. Lyngdoh ha ryngkat ka jingïadonlang u Tymmen Basan Powel Sohkhlet kum u kongsan ha kaba u la shim ïa ka bynta ban pyntian smai ïa ki dkhot ba thymmai jong ka TULBA Central Body bad kaba pynbud ruh da ka ki jingduwai kyrpang ban kyrkhu ïa ki nongkitkam.
Ha kane ka sngi la ïoh ruh ka jingkren lyngkot na u President barim jong ka TULBA Central Body u bah Seiborlang L. Nonglait bad kumjuh ruh na u bah Rishandon Nongrum, President ba thymmai jong ka seng ha ryngkat ka jingwan ïa shimbynta shitrhem da ki dkhot na ki Unit bapher bapher kiba la wan na kylleng jong ka jylla Meghalaya.
