Shillong, Nailur 24: U Lamphang ka Ïingdorbar thaw aiñ ka jylla u Thomas A Sangma bad u Deputy Speaker u Timothy D. Shira ki la leit ban shim bynta ha ka 10th Commonwealth Parliamentary Association (CPA) India Region Conference kaba la long ha Lok Sabha, New Delhi ha ka sngi baar.
Ka phang jong kane ka jingïalang ka long ‘The Role of Legislative Bodies in the Attainment of Sustainable and Inclusive Development.’
Na ka liang u Lamphang u la pynpaw ba kane ka dei ka sien kaba lai ban ïoh ïa shim bynta ha kane jingïalang jong ka CPA Conference. U la ïathuh ba kane ka jingïalang ka long kaba kongsan ha kaba ka pyni bad batai ruh ha ki jingïalang shong dorbar kaba ïadei bad ka jingthaw aiñ nalor kiwei kiwei pat ki bynta kiba kongsan.
U la ban jur ba kum kane ka CPA Conference ka ong kaba donkam bha naba ka long ka jingnoh synniang ha kiba bun ki liang khamtam ha kaba ïadei bad ka Meghalaya Legislative Assembly.
