Mawkyrwat, ‘Naiwieng 24: U MLA jong ka Mawkyrwat Constituency Bah Renikton Lyngdoh Tongkhar ryngkat ka jingïadonlang jong u Principal ka Sngap Syiem College, Mawkyrwat u Dr. K.K. Nongsiej ki la plie ïa ka klas ban ai jinghikai kumno ban nang ban pynkhreh ban ïakhun ha ki eksamim ne ka Coaching Class for Competitive Examination na ka bynta ki samla wad kam wad jam hapoh ka South West Khasi Hills District.
Kane ka jaka ai jinghikai na ka bynta ki samla wad kam wad jam ka long shisha kaba donkam ha kaba kumno kin tip kham bha shuh shuh ha kaba ïadei bad ki rukom pynkhreh ban ïa khun ïa ki eksam bapher bapher la ka long ha ka DSC, MPSC bad UPSC eksam bad kiwei de.
Kane ka long ruh kum shibynta ban ïalam bad kdew lynti ïa ki samla kiba la pyndep ïa ki jingpule bapher bapher khnang ba kin ym pynsep ei ïa ki jingpule jong ki haba ki don ka jingnang jingstad ne haba don ka lynti ban rung, ka dei ruh ban don jingkhang ban mih.
Ïa kane ka jaka ai jinghikai ïa ki samla la plie ryngkat ka jingïtreilang bad ka Rilang Education Society ba la lamkhmat hi da u Bah Renikton Lyngdoh Tongkhar bad ka sngap Syiem College, Mawkyrwat.
