Shen yn pyllait ïa ki Form jong ka Chief Minister’s Youth Development Scheme ha EJHD

Khliehriat nailur 07: Ka ophis jong u District Planning Officer, East Jaiñtia Hills District ha ka jingpyllait khubor ba la pyllait hynnin ka sngi la ong ba baroh kito ki NGOs, ki VAs bad ki Associations kiba na East Jaiñtia Hills District ki lah ban aplai ïa ka Chief Minister’s Youth Development Scheme na ka bynta ba kin pynlong ïa kino kino ki prokram ai jingpynshai ne ki Awareness prokram bapher bapher na ka bynta ban kyntiew ïa ki samla jong ka district.
Ki kynhun ne ki Organizations ki lah ban ioh ïa ki application forms na ophis jong u District Planning kaba don ha ophis jong u Deputy commissioner, East Jaiñtia Hills District, Khliehriat.
Ïa ki Application Forms yn pyllait ha ka 10 tarik u bnai nailur haduh 20 tarik u nailur 2024 ba ka tarik ba khatduh ban pynpoi ïa ki application Form kan dei ha ka 30 tarik u nailur 2024.