Shen yn pdiang ka USTM ïa ki sample ba kwah pule ïa ka Ayurvedic hadien ba la ai bor ban plie ïa ka Ayurvedic Medical College

Nongpoh, Naiwieng 02: Kan long ka jingmyntoi kaba khraw na ka bynta ki samla pule jong ka jylla Meghalaya bad wat ïa ki samla jong ki jylla ka thaiñ Shatei Lam Mihngi ka ri India, ha kaba mynta ka University of Science & Technology, Meghalaya kaba don ha Baridua, Khanapara kan plie noh ïa kawei na ka shlem pule ki samla ba la tip kum ka Private Ayurvedic Medical College na ka bynta ban ioh bsuh khlieh ki samla pule kiba kwah ban pule hatei ka snat pule kaba dei shaphang ka Ayurvedic,
Ka University of Science and Technology, Meghalaya ka la rai ruh ban pdaing noh ïa ki samla pule kiba kwah ban pule ha kane ka shnat pule, ka dei hadien ba ïa kane ka Private Ayurvedic Medical Collage la ai bor bad ithuh (Approved) da ka National Commission for Indian System of Medicine (NCISM), Ministry ka tnad Ayush.
Kum ka jingleh kmen ba la ioh bor ban pynïaid ïa katei ka shnat pule jong ka Private Ayurvedic Medical Collage ha katei ka skulbah bab la tip kum ka University of Science and Technology, Meghalaya, ki bor pynïaid jong kane ka skul bha hynnin ka sngi Balang jong ka taiew ki la pynlong da ka prokram lehkmen ha Central Auditorium ka USTM, ha kaba la shim bynta naduh u Chancellor, u Mahbubul Hoque, u Vice Chancellor, u Prof. G.D Sharma, ki samle pule, ki doctor bad kynthup ki bor pynïaid jong katei ka skulbah.
Haba kren sha ki lad pathai khubor, u Chancellor ka USTM, u Mahbubul Hoque u la ong, “ kum ki bor pynïaid ka USTM ki dap da ka mynsiem jong ka jingkmen ba la ioh bor ban pynïaid noh ïa kane ka Ayurvedic Medical College bad na ka liang ki bor pynïaid ki sngewkmen ruh ban pynbna ba kin pdiang noh ïa ki samla pule kiba kwah ban pyndep ïa kane ka Bachelor of Ayurvedic Medicine and Surgery (BAMS) ka ban sdang noh shen ha IAAMC, USTM.
U la ong ruh ha kaba sdang mynta wat la ki ngi dang pdiang tang kumba 60 ngut ki samla pule kiba pyntbit ha kane ka jingpule, hynrei na ka liang ka University kan sa dang pynkiew ruh ïa ka jingdon ki samla pule ha ki snem ban sa wan khnang ba bun ki samla kin ioh lad ban pyntbid ha kane ka jingpule kaba dei shaphang ka Ayurvedic. Shuh shuh, u la pyntip ruh ha ki snem ban sa wan bad shuwa ka snem 2030, ki bor pynïaid ka College kin pynbiang lut ïa baroh ki jaid jingsumar ba la tip ha ka ktien nongwei kum ka Allopathy, Unani, Siddha bad Homeopathy ha ryngkat ka jingwad bniah (Reseach) kin sa leh ha katei ka skulbah.
Ha kawei ka bynta, u Dr. Anil Kumar Sharma, Principal ka IAAMC, USTM u la pynpaw da kaba ong baroh ki jaka ai jingsumar (Hospital) bad ka Kolej kin pyntreikam ïa ka jingsumar ne jingstad katkum ka juk stad mynta ban ïarap na ka bynta kiba pang ba shitom bad kumjuh ruh ki samla pule kiba wan ban pule ha katei ka Kolej.