Shillong, Naiwieng 02: U Archbishop jong ka Shillong Archdiocese, u Most Rev. Victor Lyngdoh u la wer ïa ki paidriewngeit sha ka Proseshonbah jong ka Jyllaniambah kaban long ha ka 12tarik Naiwieng ha Iingmanebah Laitumkhrah.
Ha kane ka sngi yn donlang ruh u Nongmihkhmat jong u Pope Francis (Apostolic Nuncio) ha India bad Nepal, u Most Rev. Leopoldo Girelli kumjuh ki Lyngdohsad na Jowai, Nongstoin bad na kiwi kiwei ki jaka.
U Archbishop u la khot la wer ïa baroh ki paidriewngeit na ka jyllaniam Jowai, Nongstoin kumjuh na Tura ban wan shim bynta lang ha katei ka Proseshon Iukharist. Ha kajuh ka por u kyntu ruh ïa ki paidriewngeit ba kin buh haki jingduwai kyrpang naduh ka 03tarik haduh ka 11tarik Naiwieng khnang ba kane ka Proseshonbah kan long kaba jop.
