Shillong, Naiwieng 02: Ka kynhun ki Pulit Anti Narcotics Task Force (ANTF) ka East Khasi Hills, ki la kem ïa uwei u nongkhaïi droks mynta ka janmiet sngi Palei na Jingkieng Umshyrpi, kaba hap hapoh ka Jhalupara Out Post.
Une u briew u dei uba la 45 snem ka rta bad na ka met jong u, la ïoh ban kurup haduh 940 tylli ki dawai kuli Nitrapzepam IP 10 mg ba khia haduh 9400 mg.
Ka ANTF ka la ïoh kurup ruh ïa kawei ka mobile phone, 8 tylli ki kot khubor ba song ïa kine ki dawai kuli bad kawei ka pla rong ïong.
ïa une u briew la register case hapoh Lumdiengjri Police Station hapoh ki kyndon ka NDPS Act.
