Shillong, Risaw 26 : Uwei u nongïalehkai Cricket jong ka Meghalaya, uba mih khmat ruh ha ka Ranji Trophy, uba kyrteng u Lakham Singh, u la shah shoh ha ki katto katne ngut ki briew hynnin ka miet ha ka por kumba 9:20 eiei mynmiet.
Ha kaba ïadei bad kane ka jingjia ki Pulit ki la ïathuh ba la ïoh ban kem ïa uwei na kiba donkti ha kane ka jingjia.
Ia kane la pyntip da u Superintendent of Police (City) ka East Khasi Hills, uba iathuh ruh ba ki Pulit ki dang thwet mynta ban kem sa ia ki paralok jong une u runar.
Shuh shuh ki Pulit ki la ïathuh ba ha ka miet sngi Balang por 9:20, une u rang ialehkai cricket Lakhan Singh ula shah khang lynti hajan Anjalee Petrol Pump bad ym tang ba u shah khang lynti, hynrei u la shah shoh ha ki briew katba u dang don ha lynti ban leit phai shala iing ha Jhalupara. Ha kane ka jingjia, une u rang ialehkai ula mynsaw malu mala na ki bynta ki durkhmat. Ki Pulit kila register case ïa kane ka jingjia ha Sadar Police Station kat kum ka Case No. 274(10)2023 u/s 325/341/506/34 IPC.
Une u Heh Pulit u pyntip ba ïa une u briew ba donkti la kem ha ka 5 tarik Risaw bad la ialam tian bishar ia u hapoh ka Iingkashari hadien ka Police custody.
