Shillong, Risaw 06: Uwei u rangbah uba kyrteng u Bah Khielang Star Nongbri, na ka Shnong Wah Kseh hajan Sohïong, u la shah dung da ka wait ha la u jong u para shnong ha ka step jong ka Sngi thohdieng, katba u dang ïoh thiah ha ïing.
Ki khubor ba la ïoh ki ïathuh ba u Bah Khielang, katba u dang thiah u la ïoh sngew ba don ba ban prong ïa ka ïing jong u, hynrei katba un da khie une u rangbah u la rung ha ïing bad dung ïa u na kakpoh kat haduh ba ka sniew ka la mih shabar.
Une u rangbah u la leit ban mareh sha ïing ka hymmen, ka Kong K. Nongbri ban ïathuh ïa kaei kaba la jia. Hadien kane la pynkit noh ïa u sha CHC Sohïong, bad hadien ba la ïoh ka jingsumar kaba kyrkieh la pynkit noh pat sha Civil Hospital, Shillong ban ïoh ïa ka jingsumar kaba kham bha.
