Shillong, Naiwieng 04 : U Bah Torak Kharpran Sun u nongïalehkai ïakura kynsai ka Jylla Meghalaya u la shah jied ban long u Coach jong ka kynhun ïalehkai Boxing ka ri India kaba ïashim bynta ha ka Asian Boxing Championship kaba long ha Jordan, Amman naduh ka 1 tarik haduh 12 tarik Naiwieng 2022.
Na ka liang ka Meghalaya Boxing Association (MBA) ka pynpaw ka jingsngewsarong halor katei ka jingshah jied u Bah Torak Kharpran Sun ban long kum u Coach ïa ka kynhun ïalehkai ïakura ka ri India. “Kane kadei ka jingsarong shisha ïa ka Jaidbynriew Khasi ban ïohi ïa ka jingshah jied jong u Bah Torak haduh kitei ki kyrdan. Ka MBA ka kyrkhu kyrdoh ïa u Bah Torak ban nang kiew shuh shuh ha ki kam jong u kum u coach,” ong u kyrwoh khubor na u Bah Larry Karpran, Secretary ka MBA.
