Shillong, Naiwieng 03 : Ka Tura ka la shah jied ban pynlong ïa ar tylli ki jingïalehkai kriket jong ka U-19 Cooch Behar Trophy mynta ka samoi ban sa pynlong ha ka madan ïalehkai kriket ha Alotgre.
Ka jingïoh ban pynlong ïa katei ka lympung kadei lyngba ka jingtrei shitom jong ka Meghalaya Cricket Association, kaba la theh kyrhai ka pisa ban shna pynjanai ïa katei ka madan ïalehka kriket da ka jingkyrshan lang ka BCCI ka synjuk pynïaid ïalehkai kriket ba hakhlieh duh jong ka ri India.
Ka MCA ka la pynbha ïa ki nala, ka jingthung ïa i Bermuda Selection-1 grass, ka jingker, bad ka jingshna ïa ki kamra khreh jong ki nongïalehkai bad ki manager.
Ha kitei ki ar tylli ki jingïalehkai kaban sa pynlong ha Alotgre yn sa sakhi ba ka Meghalaya kan ïakhun pyrshah ïa ka Jammu and Kashmir ha ka 19-22 tarik Naiwieng bad pyrshah ïa ka Karnataka ha ka 26-29 tarik Naiwieng.
Ha kajuh ka por ka MCA ka la pynbna ïa ki 15 ngut ki rangïalehkai na bynta katei ka tournament jong ki U-19, ïa kaba yn sa ïalam u Navin Kumar kum u kapten bad u Bharat Gurung kum u vice-captain.
Ka Meghalaya kan ïakhun sdang ha Mangaldai, Assam, pyrshah ïa ka Uttarakhand naduh ka 5 tarik Naiwieng.
Ki rangïalehkai ka Meghalaya: Charm Marbaniang, Shavian P Blah, Navin Kumar (C), Jeremiah Lyngdoh Kynshi, Banialam Mylliemngap, Raghav Magotra, Bosrang R Marak, Gavineal Marpna, Anmol Sunar, Bharat Gurung (V-C), Avinash Rai, Reshab Subedi, Gulgul Sangma, Mrityunjay Bharali bad u Mrinal Das
Ki supports staff: SP Yadav (head coach), Hemant Roy (assistant coach), Tejas R Vala (strength and conditioning coach), Hamboy Langbang (physio), Shankar Newar (manager), Aaron G Diengdoh (manager)
Meghalaya fixtures:
vs Uttarakhand, 5-8 November 2022, Mangaldai (Assam), vs Himachal Pradesh, 12-15 November 2022, Bilaspur (Himachal Pradesh), vs Jammu and Kashmir, 19-22 November 2022, Tura, vs Karnataka, 26-29 November 2022, Tura, vs Mumbai, 3-6 December 2022, Mumbai (Maharashtra)
