Shillong, Risaw 20: Ki nongshong shnong jong ka shnong Bakur, West Jaiñtia Hills District ki la ïoh bat ïa uwei u mynder Bangladeshi uba la tip kyrteng kum u Apsulmian Raju, 21 snem ka rta bad la ong ba une u mynder Bangladeshi um shym la lah ban pynshisha ïalade lyngba ki kot ki sla kiba biang.
Ha kawei pat ka jingjia, ha ka 16 tarik mynta u bnai ha ka por kumba 2:00 baje noh sngi, ki runar kiba dei ki mynder Bangladeshi kiba rah da ka wait ki la lute ïa arngut ki briew kiba dang shong hapoh ka thuk thuk ba ki la rah ruh ïa ka thuk thuk jong ki da kaba jam sha shiliang jong ka Netri BSF Camp, South Garo Hills.
