Shillong, K’lyngkot 09: U Pulit ophisar u GK Ïangrai uba la shah kem ha ki pulit ka jylla halor ka jingpyndonkam bakla ïa ka pisa ba la mang na bynta ka jyntei ïa ka National Emergency Response System (NERS) ha Sadar police station, ha ka sngi Nyngkong jong ka 9 tarik u la leit ban pan jamin na ka Supreme Court lyngba u nongsaid aiñ jong u.
U Yobin uba dei u nongsaid aiñ ba mih khmat ïa u Bah Ïangrai, u la ïathuh ba ka Supreme Court ka la pynmih ïa ka notice ïa kane bad shen kan sa shong bishar halor ka jingpan jamin u Bah Ïangrai.
Kham ha kine ki khyndait sngi u Bah Ïangrai u la leit ban tied jynkhang ha ka kashari u Special Judge bad kumjuh ha ka High Court hynrei kine ki kashari kim pdiang satia ïa ka jingpan jamin jong ki kaba la pynlong ba kin leit shaduh Supreme Court la pyntip u Yobin.
Lah ban kdew ba u Ïangrai u la shah set ha police custody 5 Naiwieng bad naduh ka 12 ujuh u bnai pat uba la shah set hapoh ka judicial custody.
