Sawphew phra ngut ki khynnah pule na EJHD ki la pynrung kyrteng ha ka Meghalaya Star 30
Khliehriat, Nailar, 4: Ka Meghalaya Star 30 ka dei ki prokram kaba la pyllait paidbah da ka sorkar jylla myn ha ka 15 tarik u bnai naitung 2024 bad la sdang pyntreikam da ka State Council of Science, Technology and Environment (SCSTE) bad myn ha ka 31 tarik mynta u bnai ki la don haduh sawphew phra ngut ki khynnah pule na East Jaiñtia Hills District kiba la wan shakhmat bad pynrung kyrteng ïalade ha kane ka Meghalaya Star 30.
La ong ba ka thong ba hakhmat eh jong kane ka Meghalaya Star 30 ka long ban ban ai ïa ki jinghikai kum ki coaching kaba shiphew bnai ban kin ïakhun ïa ka NEET Exam ha ka State Institute of Rural Development (SIRD), Nongsder.
Kitei ki sawphew phra ngut ki khynnah kiba don jingmut ban iakhun ïa ka exam ki don lang ruh bad ka kynhun jong ki nonghikai kiban ai jinghikai kham bniah, ki ban ialam lynti ïa ki khynnah bad iarap ruh ïa ki khynnah ba kin kynjoh sha ka thong ba kin long ki kita kia medical professional.
Ha kaba iadei bad ka ka Coaching prokram ki khynnah ki lah ruh ban lum shuh shuh ïa ki jingtip ne ban pule na ka bynta ban pynkhreh ïa kane ka exam da kaba wad na ka online ha youtube lyngba ka ‘@MEGHALAYASTAR30’ ban leit ruh sha ka LMS tab jong ka SCSTE Website, i.e lms.scste.org/course/view.php?id=3.
Katei ka jingbatai haneng ka long katkum u kyrwoh ba la phah lyngba ka tnat District Planning Officer, East Jaiñtia Hills District.