Paw kyrteng u Bah Lurshai Kharbani ban iakhun elekshon MDC na Rambrai, phet noh ki nongïalam HSPDP, INC bad TMC

Nongstoiñ, Nailar, 4: Ki nongïalam na ka seng HDPDP, INC bad TMC na Rambrai-Jyrngam Constituency, ki la iehnoh noh ïa la ka jong ka Party bad ki la leit ban pynïasoh pat bad u MLA shimet u R. G Momin uba dei ruh u MLA jong ka thaiñ.
Kitei ki nongïalam ba la leit ban pynïasoh bad u MLA ka Rambrai ki kynthup ïa u General Secretary ka HSPDP Rambrai u Cherubim Thongni, ka General Secretary jong ja Mahila Congress ka kong Elginïa Marshïangbai, u Bah George Syiem, General Secretary ka TMC Rambrai bad kiwei kiwei ki riew rangbah kiba dei ki dkhot bad nongïalam na kitei ki party.
Ki nongïalam jong u RG Momin na Rambrai ki la ïathuh, ba ka dawbah ba la pynlong ïa kitei ki nongïalam jong kitei ki lai tylli ki party ban wan pynïasoh noh bad ka kynhun u MLA hapoh Rambrai-Jyrngam, ka dei namar ba kiwei ki party ki la nang hiar arsut bad kim i don jingkyrmen ba kin dang lah ban khie khlieh biang, na ka bynta ban ai ka jingshakri ïa ki paidbah ka dong ka thaiñ.
Kumta na ka bynta ban pynmyntoi ïa ki paidbah jong ka Constituency hi baroh kawei, ki la rai ban leit ïatreilang noh bad u Bah R. G Momin bad kumjuh bad u Bah Lurshai Kharbani u ban sa long u kyrtong MDC Independent napoh Rambrai-Jyrngam Constituency.