Ryngkat ka ïing ka sem bad ki nongkyrshan mih u Bah Donkupar Sumer ban pynïasoh sha ka NPP party ha Umsning Constituency.

Nongpoh, Jan 06: Kumba la paw pyrthei mynta ka sngi, kaba dei hadien ba u Bah Donkupar Sumer, MDC barim ka UDP bad u working President ka UDP na Ri Bhoi u la leit ban pynïasoh noh sha ka NPP bad kane ka jingleit pynïasoh jong u sha ka NPP ka lah ban ktah jur ïa ka Party UDP ha Umsning, namar ha ka jingleit pynïasoh la wan ruh ban synrang lang da ki hajar ki nongkyrshan jongu, kiba ju kyrshan ïa ka UDP ha ki snem na la leit noh na Umsning Constiteuncy.
Haba leit ban pynïasoh sha ka party NPP, u Bah Donkupar Sumer u la mih ruh na la ka jong ka ïing kmie na Sumer ba la synran lang da ka kmie jong u bad ki hajar ngut ki nongkyrshan jong u.
Ki la mih naduh na la ïing da ka kali ka motor rygnkat ki lama ka NPP, kaba u la phong Uniform thymmai, hadien ba u la phet noh na ka party UDP, kaba dei ruh hadein ka jingbym ioh ticket ban ïa khun na Umsning Constituency, kaba ka party UDP ka la dep ban ai ticket sha u Bah Sunshine Makri.
Kum ba u Bah Donkupar Sumer u la pynpaw sha ka ing ka sem bad sha ki nongkyrshan jong u, naduh na ïoing haduh ka jingïalang ha madan Patarim, ka daw kaba u la mih noh na ka UDP party ha Ri Bhoi, ka dei namar ba u pyrshah jur ïa ka rukom treikam ki nongïalam ka UDP hapoh ka party kiba khlem da bud ïa ki riti treikam ka party bad kham tam ka rukom ai ïa ka ticket ka party ka dei kaba u la pyrshah jur ryngkat ki paid nongkyrshan jong u.
Dei halor ka jingpyrshah jur ïa ka jingleh donbor hapoh ka party UDP, u Bah Donkupar Sumer lem bad ka ïing ka sem ryngkat ki hajar ngut ki Nongkyrshan myntan ka sngi u la mih na la ïing ban leit ïasoh noh sha ka party NPP ban ai ka jingkyrshan ïa u Bah Jason Mawlong u ban ïa khun na ka party NPP na Umsning Constituency.
Kum u nongïalam ba la rim hapoh ka party UDP, u bah Donkupar Sumer, u la ïathuh ruh ba u tip kham bha ïa ka rukom treikam ka party UDP bad kane ka party ka dei ka party kaba kana la shu pynïaid tang da ki katto katne ki nongïalam bad ym ka party kaba sngap ïa ki nongïalam ne ki nongkyrshan.
Shuh shuh, u la ther tyngeh ruh ba kane ka party UDP kan nym poi shaei shaei ruh, namar ki paidbah ki tip kham bha ban ïa ïa ka jingbishar ha kane ka election 2023 bad la jin ba kane ka party ka trei shisha katkum ka thong ba la buh dak a party ka dei ka party ka ban kiew shaphang, hynrei na ka daw ka jingleh donbon ki nongïalam ba halor bun na ki nongïalam ki la ngih bad ka la pynlong ruh ïa ki ba ki hap ban shim ïa ka rai kumba long ma u ban leit pynïasoh noh sha kiwei ki party na ka daw ka jingbym trei ki nongïalam katkum ka riti treikam ka party.