Shillong, Naitung 19: Ka khubor ba la ïoh na ki pulit la ïathuh ba u Bah Eddie Erison Kharkongor u la phah ka jingujor ba ha ka 14 tarik mynta u bnai ha ka por 4.30 baje mynstep, ki runar bym lah ban ithuh ki tuh ka thuk thuk jong u kaba don u nombar ML-05V-2936 napoh ka jaka sah jong u kaba ha Lower Mawprem Pdengshnong, Shillong.
Kawei pat ka jingjia u Biden K Sangma u la phah ka jingujor ba hapdeng ka 13 bad 14 tarik mynta u bnai ki runar bym lah ban ithuh, ki la tuh ïa ka thuk thuk jong u kaba don u nombar ML-05AH-0190 napoh ka ïingsah jong u kaba ha Mawlai Nongpdeng, Block-B, Shillong.
