Shillong, Ïaïong 21: Ka khubor ba la ïoh na ki pulit la ïathuh ba ka Kong Alishalyne K Shadap ka la phah ka jingujor ba ha ka 19 tarik mynta u bnai ki runar bym lah ban ithuh ki la tuh ïa ka thuk thuk jong ka kaba don u nombar ML-05AF-8341 na Nongmensong Umkdait, Shillong.
Shuh shuh ki pulit ki la ïathuh ba u Bah Samborlang Khongrymmai u la phah ka jingujor ba ha ka 18 tarik mynta u bnai ki runar bym lah ban ithuh ki la tuh ïa ka scooter jong u kaba don u nombar ML-05W-6675 na ka shnong Wahlong Ringur ba dang hab hapoh Sohra PS (EKH).
Ha kajuh ka por u Jakram Arengh u la phah ka jingujor ba ha ka 18 tarik mynta u bnai ha ka por kumba 2 baje nohphai sngi, ki runar bym lah ban ithuh ki la tuh ka thuk thuk jong u kaba don u nombar AS-14B-0899 na Ampati Bazar (SWGH).
