Shillong, Ïaïong 21: Ki pulit ki la ïathuh ba uwei u rangbah briew uba shong basah ha nongbah Shillong u la phah ka jingujor ba ha ka 17 tarik mynta u bnai ka la don ka jingshah sei tuh ka pisa jong u, kaba khlem da la ai bor kaba la kot haduh T. 43,991/- napoh ka Bank account, jong u bad kumjuh ruh khlem ka jingtip jong u.
Ha kawei pat ka jingjia, uwei u rangbah uba shong ba sah ha kawei ka shnong kaba ha South West Khasi Hills u la phah ka jingujor ba ha ka 12 tarik mynta u bnai, ka la don ka jingsei tuh ka pisa kaba la kot haduh T. 65,000/- napoh ka Bank account jong u bad khlem ka jingtip jong u.
