Shillong, Jylliew 29: Ka ophis jong u Assistant Registrar jong ka Cooperative Society kala pynlong ïa ka jingrakhe ïa ka taïew ïatreilang ha South West Garo Hills District ha Ampati kaba dei ruh ka lyngkhuh snem kaba san jong ka jingseng ïa ka Ministry of Cooperation jong ka sorkar pdeng.
Mynta u snem ka jingrakhe ïa ka taïew ïatrei lang la buh ïa ka phang pdeng “ka jingpynshai paidbah da ka jingïashim bynta lang ki riew paidbah”, ha kaba ka Deputy Commissioner jong ka distrik ka Anedya Raajshree IAS, ka la ïadon lang kum ka kongsan.
Ha ka jingkren ka jong ka kala ban jur ïa ka jingdonkam jong ka jingïatrei lang namar kane kan kyntiew ïa ka ïoh ka kot bad ban pyllong ïa ki longïing longsem ha ki nongkyndong ba kin lah ban ieng ha la ki jong ki kjat bad ka pynshlur ba kin iatrei lang ban kyntiew ia ka ioh ka kot hapoh ka distrik.
U Salbeson D. Sangma jong ka KIRUPARA IVCS Limited u la pynsngew ha ka jingshem jong u ia ka jingmyntoi jong ka jingïatrei lang, ha kane ka sngi ka shnat trei kam jong ka Meghalaya Cooperative Apex Bank na Garobadha kala batai shaphang ka jingpynïaid ïa ka pisa pilain lyngba ki bank ha kane ka sngi la wan ban ïa shim bynta ruh da ki kynhun seng bhalang bapher bapher bad ki ophisar na ka Cooperative Department.
