Haduh 10 hajar tylli ki kam ïoh ki samla na ka jylla Meghalaya
Na Ampati, South West Garo Hills District sha ri Japan
Ampati, Nailar 22: Na ka bynta ki samla wad kam ha Meghalaya, ki lad ki lynti kim long shuh tang ïa kaei kaba don hajan ïing.Ka jingpynrung kam ha Ampati ha ka sngi Thohdieng ka la plie lad ban ioh kam haduh palat 10,000 tylli ha kylleng ka Meghalaya, sha kiwei pat ki jaka ha India bad shabar ri ruh.
La pynlong da ka tnad Labour, Employment bad Skill Development hapoh ka phang “Your Future, Your Move”, la pynlong ha MFC Hall hajan ka ophis jong u Deputy Commissioner ha South West Garo Hills.
Ki jingplie ki kynthup ïa ki kam shna ïing, ka kam pdiang sngewbha (hospitality), ka koit ka khiah, ka kam shna kali, ka kam die marbam, ka jingkyrshan ïa ki nongthied bad ki kam ba tbit.
Napdeng jong ki ki don ki kam nurse ha Japan, ki kam (hospitality) ne ki kam pdiang sngewbha ha Europe, ki nongñiah kali ba tbit, ki mechanic, ki nongtrei light, ki nongïarap ha ka jingsumar met (physiotherapy assistants), ki kitchen leaders bad chefs, ki waiter, ki nongpynïaid ïa ki mashin suh jain, ki nongtrei mashin, ki nongsumar ïa ka koit ka khiah bad ki bynta ban pynroi ïa ka kam ne wellness therapists and business development roles.
Kane ka jingthmu ka thmu ban ailad ïa ki samla jong ka Meghalaya ban ïoh beit ïa ki lad kamai bad ban ïarap ïa ki ban wad ïa ki kam kiba palat ïa ki lad tynrai jong ka thaiñ.
La plie ia ka jingpynrung kyrteng tang ia ki nongshong shnong ka jylla Meghalaya, ha kaba la pynshlur ïa kiba wad kam ban pynrung kyrteng lyngba ka Block Office kaba jan tam jong ki.La ai jingmyntoi ïa ki kyrtong kiba la pynrung kyrteng offline ha ki jaka ba la buh kyrpang.
Na ka bynta kiba bun ki samla, ka jingmut jong ka jingpynrung kyrtang ka iaid palat ïa ka jingbun ki kam ba lait.Ka wanrah ïa ki lad kamai hapoh ka ri bad shabar ri kham jan sha ki nongwad kam kiba lah ban don tang khyndiat ka lad ban ioh ïa kum kine ki jingtip.
Ka khubor na u Ampati ka long kaba suk, ka lad ka lah ban long ha Meghalaya, shawei pat ha ri India ne ki ri ka pyrthei.Ka sienjam kaba nyngkong ka long ban tip shano ban wad.