Shillong, Naiwieng 14: Kumba ju long manla snem na ka liang ka dorbar shnong Riatsamthiah ka la rakhe ïa ka sngi burom jong ki khynnah ne ka Children’s Day kaba la pynlong ha kane ka sngi Palei ha kaba kiba bun ki khynnah ki la wan ban ïashim bynta ha kane ka sngi.
Ha kane ka prokram la donlang ruh u Rangbah Shnong ka Dorbar Shnong u Bah M Kharkrang ha ka jingïadonlang kiba bun ki khynnah.
Ïa kane ka prokram la pynlong ha Community Hall jong ka dorbar Shnong ha kaba ki longkmie, ki samla bad kiwei kiwei ki la wan ban ïashim bynta da ka jingkmen.
Na ka liang ka Dorbar Shnong Riatsamthiah ka la pynpaw ïa ka jingai khublei ïa ka Social Welfare Department (ICDS) kaba la rakhe ïa ka Children’s Day bad ka ICDS week ha Riatsamthiah Dorbar Hall.
Ha kaba ïadei bad kane na ka liang jong u Rangbah Shnong u la pynpaw ïa ka jingai khublei ïa ki khynnah kiba la wan ban shim bynta ha kane ka sngi.
Na ka liang jong ka Dorbar Shnong ka la ïoh ruh ban pynlong ïa ki jingïakob kum ka drawing bad singing competition ha kaba na ka liang ki khynnah ki la mih na kane ka jaka da ka jingkmen.
