Shillong, Lber 10 : Ki Nongtrei ba shitrhem bad ki Nongïalam ka NPP Mookaiaw Constituency, West Jaintia Hills ki la rai ban trei shitom katba lah ban pynthikna ïa ka jingjop don burom jong ka kyrtong ka party ka Dr Ampareen Lyngdoh ha ka elekshon Lok Sabha 2024 na Shillong Parliamentary constituency.
ïa kane ka rai la shim ha ka jingïalang kaba heh bha bala pynlong ha ka shnong Mookaiaw ha ka 9 tarik Rymphang 2023 ( Sngi Saitjain).
Ki nongïalam ka party bad ki nongkitkam na ki shnong bapher bapher kiba hap hapoh ka Mookaiaw constituency ki la ïashim bynta ha kane ka jingïalang.
“Ngi la ïarai lang ban trei shitom ban pynthikna ïa ka jingjop ka kyrtong jong ngi” ong ki Nongïalam ka party kiba la ong ba ki paidbah ka constituency kiba kut jingmut shisha ban ai ka jingkyrshan ba pura ïa ka party.
