Rah placard ki dkhot ka JCOMSWA ha phyllaw JHADC ban dawa thaw aiñ ïa ki marpoh kyndew

Jowai, Jylliew 24: Ki dkhot ka Jaiñtia Coal Owners, Miners, Suppliers & Workers Association, (JCOMSWA) haka jingïalam u President ma Marshall S.B Biam mynta ka sngi kila leit tur sha phyllaw ka ophis JHADC ha ryngkat ka jingrah pla card ban dawa na ka Council ban thaw ïaki kyndon aiñ ha kaba ïadei bad ki marpoh khyndew.
U bah Marshall ula ong ka jingrai ka JHADC mynta ka sngi ban pdiang ïa ka kyndon aiñ tih dewïong hapoh ka Iing Dorbar (Special Session), kane ka paw ïa ka bor jong ka Council kaba don haka ïa ka stieh ba khlaiñ ban ïada ïa ka kyndew ka shyiap.
Ula ong kiba bun ki briew kim sngewthuh ïa ka bor jong ka District Council, hynrei ki ïabeh beit sha ki ïing bishar kum ka Supreme Court na ka bynta u dewïong, hynrei ka JCOMSHWA naduh ba sdang kum ka dak ban burom ngi la dep ai da ka jingthoh sha ka Council.
Hapdeng ka jingïakhih shong shah thngan na ka liang ka sorkar ruh kala dkhot ïakren ïa ka KCOMSWA bad u Chief Secretary uba la kular ban ïakren ïa kane bad ka District Council bad kane ka jingdawa kala long kaba sei soh mynta, Ka thong jong ka jingdawa ka long ban plie ïa u dewiong ha kaba baroh ki MDC kiba pdiang ïa kane ka Resolution ban phah sha ka sorkar India, kyrmen ba kane ka kyndon aiñ kan treikam noh ha kine ki sngi ban wan, pynkut Marshall S.B Biam.