Mawkyrwat, Naiwieng 05: Ka Dong Mawsawa mynta la kynti ka la long ka nongjop ha ka lympung ïalehkai kynjatbol ba la tip kum ka Inter Dong Football Tournament 2023 ba la pynïaid da ka Sohkhyllam Sports Club ha madan Sohpian, Sohkhyllam, South West Khasi Hills District.
Ha kane ka lympung ïalehkai ki dong kiba la poi sha ka phainal ki long ka Dong Mawpyllun Football Team bad Dong Mawsawa Football Team ha kaba ka Dong Mawsawa FT ka la long ka nongjop da kaba la thep 4 – 2 kol ha ka Tie breaker.
Ïa kane ka Inter Dong Football Tournament 2023 la wan ban pynhap pyrda noh da u samla Rishot Lyngkhoi kum u kongsan ha ryngkat ka jingïadonlang ki longkpa, longkmie, ki rangbah jong ka shnong kumjuh ruh na ki kongkitkam jong ka sport club, bad ki nongkitkam ka Tournament CommitteeCommittee lem ruh bad ki hep kiba rit.
Haba kren kum u kongsan, u samla Rishot Lyngkhoi u la ai ka jingkyntu kynpham ha kaba ïa dei bad ki samla khamtam kum ki ‘rangïalehkai ki dei ban kiar na ki jingmlien ba sniew kum ki jingdih ba pynbuaid hynrei ki dei ban ban pynleit jingmut bad ban long phikir ha kiei kiei kum ki nongïalehkai.
Ha kajuh hi ha sngi kum ka Sohkhyllam Sport Club ka la leh burom ruh ïa ar ngut ki khynnah kynthei kiba la leit mihkhmat na ka ka Jylla Meghalaya ha ka Hero Sub Junior Girls National Football Champion 2023 Under-14 hapoh ka jylla Punjab. Kita ki long ka Dakmenshisha Jyrwa bad ka Bandakheinkor Jyrwa.
