Jowai, Nailar 21: Ka Seng lehisynei parabriew, ka Society for Urban and Rural Empowerment (SURE) kum kawei na ki nongai jinghikai (Training Privider) bala ithuh da ka sorkar lyngba ka Meghalaya State Skill Development Society (MSSDS), kala ai training ban shna khun kai iba ki khot ha ka ktien Pnar “ Muke ne khon Mu-ke”.
Ka training ba shibnai kala long haka Training Centre ka SURE kaba don ha Thluwania, Ladthalaboh, Jowai. U Dr. Mohrmen uba long u khlieh kane ka Seng ula ong ruh ba “ka SURE kam kwah ban ai ki training kiba kiwei pat kila ju ai, hynrei ngi kwah ban sdang da kaba thymmai kaba ym pat ju don ba leh, kiba lah ban aikam aijam ïa ki samla”.
“Kawei pa kawei ka jaidbynriew ne ka kolshor ki don la ki rukom ba shna khunbynriew bad ha ka jaidbynriew jong ngi ruh, ngi ju shna ïa kita kiba ngi khot “ki Muke ne ki khon Muke” la ong u Dr Mohrmen.
“Ka jingmut ka long ban shna ïa ki khun-bynriew kiba yn pynithuh ïa ka jinglong kyrpang ka jaidbynriew jong ngi, da kaba pyndonkam ïa ki jaiñ kup jaiñ phong kiba long ki tynrai jong ngi hi.”
Ka kong Ibaphimon Shylla ka Fashion Designer kaba long ka nonghikai, kala ong ba ine i khunbynriew iba ngi shna i dei iba kham pher namar, i dei i khun bynriew tynrai (traditional doll) iba phin ym ïoh satia ha ïew ha hat. Haba la kylli nangno kane ka jingmut ban shna da ki khunbynriew tynrai ka wan? Ka kong Ibaphimon kaba dei ruh ka master trainer ka ïathuh ba ïa ka jingmut la wan rah da u Dr H.H. Mohrmen, ila ïathuh ruh ba u kynmaw mynba u dang khynnah ba ki para
