Khliehriat, Risaw, 31: U Deputy commissioner East Jaiñtia Hills District, ha ka jingpyllait khubor mynta ka sngi u la pynshlur ïa ki khynnah pule jong ka district kiba dei ruh ki nongshong shnong ba pura jong a jylla Meghalaya ban pule ïa ki laiñ Technical Education ba ki lah ban aplai ïa ka skim kaba dei ruh ka scholarship, ka AICTE-Pragati Scholarship Scheme kaba na ka bynta ki khynnah kynthei (Degree & Diploma), AICTE- Saksham Scholarship Scheme.
Na ka bynta kito kiba dei ki nongshong shnong ba kyrpang (Specially- Abled Students – Degree & Diploma) ki lah ban aplai ïa ka AICTE- Swanath Scholarship Scheme (Degree & Diploma).
Na ka bynta ki khynnah kynthei kiba aplai ïa ka skim AICTE-Pragati Scholarship Scheme kin dei kito kiba leit ban pule ïa ka First Year Degree lane kiba pule ïa ka kyrdan Diploma lane ka Second year Degree lane Diploma Course ha kino kino ki shlem ba la ithuh da ka AICTE bad yn pdiang tang ar ngut ki khynnah kynthei na kawei ka long ïing bad ka jingioh jing kot ha ïing ha sem kam dei ban palat ïa ka T 8 lak tyngka shi snem bad halor kane dei ruh ban ïoh ïa ka syrnot na ki bor ba dei peit, ki syrnot kiba dang biang ka tarik ban pynshisha ïa ka jingioh ha ïing ha sem, ïa kane ka syrnot dei ban bsut lang bad ka application form, ïa kane ka scholarship lah ban pynthymmai ha u snem ban wan ruh lynga ka Receipt of Renewal Application kaba hap leh lyngba ka National Scholarship Portal da kaba pynpoi ruh ïa ka syrnot Promotion Certificate na ki bor ba pyniaid ïa ki shlem ai jingpule lane na ki Head of Institution bad ki khynnah kiba fail kin nym lah ba ioh ïa kane ka scholarship.
Na ka bynta kito ki khynnah pule, kiba dei ki nongshong shnong ba kyrpang (Specially Abled Students) kiba aplai ïa ka AICTE- Saksham Scholarship Scheme kiba aplai ki dei kiba pule ïa ka First Year Degree lane ka kyrdan Diploma lane ka Second Year Degree lane Diploma Course ha kino kino ki shlem jingpule ba la ithuh da ka AICTE, kine ki nongshong shnong ba kyrpang kiba don jingduna ha ki dkhot met bym palat ïa ka 40% ka jingduna dkhot met ki lah ban aplai ïa kane ka skim, ki dei ruh na ka bymta kito kiba wan na ka long ïing kaba ka jingioh kam dei ban palt ia ka T 8 lak tyngka shi snem, halor kane dei ruh ban ïoh ïa ka syrnot na ki bor ba dei peit, ki syrnot kiba dang biang ka tarik ban pynshisha ïa ka jingioh ha ïing ha sem, ïa kane ka syrnot dei ban suh lang bad ka application form, ïa kane ka scholarship lah ban pynthymmai ha u snem ban wan ruh lynga ka Receipt of Renewal Application kaba hap leh lyngba ka National Scholarship Portal da kaba pynpoi ruh ïa ka syrnot Promotion Certificate na ki bor ba pynïaid ïa ki shlem ai jingpule lane na ki Head of Institution bad ki khynnah kiba fail kin nym lah ba ïoh ïa kane ka scholarship.
