Pynshai u Niman Shadap ba don kiba soi ïa ka kyrteng jong u ha ka shithi jingujor

Jowai, Rymphang 19: U President ka AITC Mukhla Dorbar Mission u ma Niman Shadap u kwah ban pynshai halor ka shithi jingujor kaba la soi lang ïa ka kyrteng jong u sha u DC da ki katto katne ngut ki briew bad kane ka la wanrah ka jingklumar ïa ki nongïalam ka shnong.
Halor kane u ma Niman ha ka jingkren sha ki ladpathai khubor ula ong ba kam don satia kum kata ka jingujor ba yn don ki jingklumar kiba lah ban mih ha ki por Election bad ka shnong mynta ka don hapdeng ka jingshong suk shong shngaiñ ula pynbna ruh ba um don bynta eiei bad ka jingsoi ïa katei ka shithi hynrei la shu soi da ki katto katne.
Shuh shuh ula ïathuh hadien kane ka jingshah ujor kala don ruh ka jingwan jurip da ki bor ba dei peit shapoh ka shnong ban wad ïa ka jingshisha halor ka jinglong jingman lyngba ki nongïalam shnong.
Na ka liang u ma Niman Shadap ula pynrem jur ïa kito ki briew ba nud ban soi ruh ïa ka kyteng jong u, ula ong hapoh ka shnong ka thaw kumba long mynta ka don hapdeng ka jingsuk jingkmen bad na ka liang ka shnong ruh kam ju pynbor ïa ki nongshong shnong ha kaba ïadei bad ka jingjied nongmihkhmat hynrei ki don la ka jong ka hok ban jied ïa uno na kano ba ki ibit.
Ula ong kino kino ki briew kim lah ban shim kabu ïa ka kyrteng jong u lada kim tip ïa ka sdang bad ka kut namar ka kane ka jingshim kabu bad soi klumar ïa ka kyrteng jong u ka ktah ïa u kum u nongshong shnong jong katei ka shnong.