Shillong, ïaïong : Ka Joint Action Committee jong ka Dorbar Shnong Laban, Seng Teilang Kynhei Laban, bad ka seng Samla Laban kaba la dep long haka 31.03.2023, ka pynrem jur ïa ki briew kiba donkti ha kaba thombor bad pynmynsaw ïa u samla rangbah u Bah Akash Lyngoh uba dei na ka dong Lower Lumparing.
Kuma na ka liang ka JAC ka pynpaw ka jingsngewsih kaba khraw bad pynrem jur ïa kane ka jingjïa kaba la wan jia hapohka shnong Laban.
Ha kajuh ka por na ka liang ka JAC ka kyntu jur ïa ki bor jong ka aiñ ba kin shim khia ban kem ïa kitei ki riew runar kiba donkti ha katei ka kam thombor bad ban pynshitom katkum ka aiñ.
Ha kajuh ka por na ka liang ka Dorbar shnong nangne shakhmat ka buh ka jingmaham kaba tyngeh pyrshah ïa kino kino ki birew kiba wan ban thaw ïa ki jingklumar hapoh u pud u sam jong ka shnong Laban, bad lada lap ïa kino kino kiba donkti na ka liang ka Dorbar Shnong kan pynshitom katkum ki kyndon jong ki aiñ shnong bad aiti ruh sha ki bor jong ka aiñ ba kin leh ïa kaba donkam.
Kane kalong katkum u kyrwoh lyngba u Rangbah Shnong, Secretary, president seng Samla bad president, secretary Seng Teilang Kynhei.
