Jowai, Nailar 16: U Deputy Commissioner, ka West Jaiñtia Hills District, Jowai ha ka hukum ba la pynmih ba kan don ka jingleit jurip ïa baroh ki dukan kiba don ha Iawmusiang bad kumjuh ha Iawthymme.
Kane ka jingleit jurip da ki bor sorkar kan long mynta ka sngi 16 tarik bad lashah ka sngi 17 u Nailar 2022 hapoh ka jingïalam u ma M.A Challam, MCS, Additional Deputy Commissioner, Jowai bad u W K Kharbuli, MCS Extra Assistant Commissioner, Jowai.
Kumta la kyntu ïa ki nongshong die ba kin bud ryntih katkum ka hukum ba la dep pynbna da ka sorkar naduh ka rukom pyndonkam pla plastik bad ban shna bah ïa ki dukan die doh kata da kaba tap bha da ka ïit.
