Pynlong ka Shillong College ïa ka jingïatai halor ki e-waste

0

Shillong, Nailur 01: Ka Co-curricular Academic Development Committee bad ka Department of Environmental Science, Shillong College ha ryngkat ka jingïatreilang bad ka Internal Quality Assurance Cell (IQAC), Shillong College ka la pynlong ïa ka National conference ba ar sngi halor ka phang The Issue of Electronic Waste: Environmental Concerns, Management and Opportunities for Entrepreneurship ha ka 29 bad 30 tarik Nailur 2022.
Ha kane ka sngi ka Dr. Mazel Ampareen Lyngdoh, MLA ka la wan shim bynta kum ka Kongsan bad ha ka jingkren jong ka la la ban tyngeh ïa ka jingdonkam ban shim khia ïa kane ka mat. Ka la ong ruh ba kumba long mynta ka jylla ka dang don ha ka jingsdang ban leh eiei ïa ki jaklia na ki kor kompiwtor bad ki tiar lait. Ka la ong ruh ba kumba long mynta ka jylla ka dang donkam ban leh kham bun shah ban lah ban weng ïa ka jingeh na ki ñiut na ki tiar lait bad ki nuit na ki ïing ki sem ruh.
Na ka liang jong ka ka la khot la wer ruh ïa ki paidbah ban snohkti lang halor kane ka bynta bad ka la ai ruh ïa ka jingïaroh ïa ka sienjam kaba kane ka jaka pule ka la shim ban pynshai ruh shaphang ki ñiut na ki tiar lait bad kiwei de ki jaid ñiut bad ban kren ruh halor ki lad kamai na ki ñiut kaba ai jingshai sha ki samla pule bad ka jylla hi nbaroh kawei.
Ha kane ka sngi la don ryngkat lang ruh kiwei pat ki kynrem ki lyndan ba kynthup u Prof. D. Paul, Professor, Department of Environmental Studies, North-Eastern Hill University, Shillong, Dr Paromita Chakraborty, Associate Professor, SRM Research Institute, Kattankulathur, Chennai, Miss Priti Mahesh, Chief Programme Coordinator for Toxics Link, New Delhi, Mr. D. P. Pabhu, Co-founder Respose Waste Management and Research Private Ltd., Mumbai, Mr. Miraz Ahmed, Director, Terra Matter Initiative Private Limited, Guwahati, Mr. Frankie Ryntathiang, Deputy Manager, MIE/PRIME Startup Hub, Shillong, Heading Convergence Team at PRIME and also Apiculture Mission 2.0 under MIE

Leave A Reply

Your email address will not be published.