Pynkmen ka ophis ka DEO ïa ki tymmen ki kro ba sumar ha Mercy Home

Shillong, Risaw 01:Ka ophis jong ka District Election Officer, East Khasi Hills District Shillong ha ka sngi Saitjaiñ ka la pynkmen ïa ki tymmen ki kro kiba la sumar ha Mercy Home da kaba ka pynlong ïa ka jingrakhe ïa ka sngi kyrpang ki tymmen ki kro kaba ju rakhe ha satlak ka pyrthei(International Day of Older Persons) ha Mercy Home, Demthring, Shillong.
Haba kren ha kane ka sngi u Bah R. Wahlang, Addditional Deputy Commissioner u la ong ba ki tymmen ki san ki la leh la ka bynta ban long ki païa bad ki shot shan ba skhem tam jong ka synshar paidbah. U la ong ba ha ka por ilekshon kum shi bynta ban ai lda ïa ki tymen ki kro ban pyndonkam hok la ka iktiar jied nongmihkhmat na ka liang ka Election Commission(EC) ka la eai ban ailad ïa ki ban thep ïa ka Vote jong ki na ïing nalor kiwei pat ki lad kyrpang ba la ai ha ki Poling Station.
U la ong ruh ba a ka liang ka EC ka ailad kyrpang ïa ki tymmen kiba la kynjoh ïa ka rta ba 80 snem shajrong kiba pyndap ïa ka Form 12 D ba kin thep vote da ki Postal Ballot lada kim lah ban leit thep vote ha ki Poling Station. Shuh shuh u la ban ba na ka liang ka EC ka don ruh ka jingthmu ban pynïar ïa kine khnang ba ki tymmen ki kro kin lah ban shim bynta ha ka ilekshon namar ma ki ki la kham shemphang bun shah namr ki la ïoh shim bynta bun bun bah ki ilekshon.
Ha kane ka sngi na ka liang ka ophis ka la pynkup burom ïa ki tymmen ki san nongthep vote kiba la kynjoh 80 snem bad palat na ki kylleng ki bynta jong ka District.