Pynlong ka Education Committee, Seinñraij Jowai ïa ka jingai jinghikai kyrpang halor ka NEP-2020

Jowai, Nohprah 21: Ka Education Committee jong ka Seinñraij Jowai mynta ka sngi 21.12.2023, ka la ioh ban pynlong ïa ka prokram pynsngewthuh ne ka jingai jinghikai ba kyrpang halor ka National Education Policy (NEP)-2020, ha Yungwalieh ka Loompyrdi Iongpiah, Jowai.
Ha kane ka Awareness Programme la wan ban ia shim bynta da ki nonghikai na ki skul bapher bapher kiba kynthup ïa ka Seiñraij Higher Secondary School, Jowai, Dulong Secondary School, Jowai, Panaliar Secondary School, Jowai, Dulong UPS SSA, Panliar UPS SSA, Loompyrdi Iongpiah UPS, SSA, Pohmusiang SSA UPS, Chilliangraij SSA UPS, Presbyterian Secondary School, Jowai, Loompyrdi Iongpiah LPS, SSA nalor ki riew rangbah, ki longkmie longkpa jong ka Seiñraij.
Mynta ka sngi ïa ka jingïalang la pynïaid da u Juhi Nanghuloo, Chairman Education Committee, Seinraij bad la ïoh ïa ka nguh blei da ka Wandalan Dkhar katba u ma Hercules Toi, President Seinraij Jowai, u la batai shaphang ki rukom ïoh jingmyntoi ki khynnah da kaba sdang ban pyntrei kam ïaka NEP-2020.
U Dr. Raj Kumar, Principal JNV Rymbai, East Jaiñtia Hills, kum u riew shemphang haba kren u la ong ba ka Ri India kala ïaid lynti mynta la lai sien ban pynthymmai bad pynjanai ïa ka National Education Policy. Kaba nyngkong ha u snem 1968 ha kaba haune u snem ka la shim ïa ka lynti kumno ban kyntiew ia ka pule puthi da kaba pynshlur ruh ia ki khynnah ban leit skul. Kaba ha u snem 1986 kaba la pynlait ïa ki jingmut kumno ban kyntiew ia ka pule puthi lyngba ki computer ha NEP 2020 kumjuh ruh habaroh ki liang.