SHILLONG, Lber 26: Ka Sputnik CC ka la pynliem ïa ka NFU da 4 wiket ha kawei na ki jingïakhun jong ka lympung Shillong Cricket League Super Division 2024-25, ba la pynlong da ka Shillong Cricket Association ha madan Polo, hynne ka sngi Balang.
Ka jingïakhun ka la sdang ha kaba Sputnik ka la jop ïa ka jingkynting pisa (toss) bad ailad ïa ka NFU ban tied nyngkong. Na ka liang jong ka NFU ka la lah ban tied pyndep baroh ïa ki 45 ober da kaba kamai 173/8. U Kevin u la lamkhmat da kaba thlieh 54 ron naki 74 bol, katba u Laxman u la kamai 23 ron naki 44 bol. Haba phai sha ki rangkawang bol, u Gurinder Singh u la khur 3/32 naki 8 ober.
Haba beh ïa ka thong ka Sputnik ka la lah ban tied tam da 177/6 tang haki 39 ober. U Tarique Siddque u la lamkhmat ha ka tied da kaba kamai 68 ron naki 92 bol, katba u Gurinder Singh u la kamai 53 ron naki 47 bol, kaba la ïarap ïa ka Sputnik ban jop da 4 wiket, bad ïa ka nam Player of The Match la khur da u Gurinder Singh (53 ron ha ka tied bad khur 3 wiket ha ka bowling).
