Shillong, Jylliew 27: Ka Sorkar Jylla ha ka sngi Ba-ar, lyngba ka Kynhun Myntri ka la mynjur ban pynkylla thymmai ïa ki kyndon jong ka Meghalaya District Courts Ministerial Service, 2020, kaban pynthikna ba ki kam ha ki District Court kim dei satia kiba lah ban pynkynriah.
Haba ïakren bad ki nongthoh khubor, ka Nongaiktien ka Sorkar Kong Ampareen Lyngdoh ka la ong ba da kane ka jingpynkylla, ki District Court kin ïoh bor ban pyndam noh ïa ka rule 33 bad nangne shakhmat bad ki kyndon ba la pyntreika ha ka District Selection Committee (DSC) kin treikam lang ha ki District Court ha ka jingthungkam thugnjam bad ba kan nym don shuh ka jingpynkynriah kam shabar ka district,” ka la ong.
Ka la pyntip ruh ba ka Kynhun Myntri ka la mynjur ruh ïa ka jingtyrwa ban kham kyntiew ïa ka mang pisa na bynta ki DGP, IGP, DIGP bad SP hapoh ka Schedule IV jong ka Meghalaya Delegation of Financial Power Rule, 2006.
