Shillong,Jylliew 27: Ha ka jingjia kaba lah ban ong ba kadei ka jingshlur tasam u nongtuh, kawei ka Bolero kaba don u Regd Number ML05 K- 4988, kala shah tuh mynta ka sngi na Jaiaw Laitdom, Shillong ha ka por 3:15 janmiet.
U Bah Shaikupar Rymmai u trai jong kane ka Kali,u la iathuh ba mynstep ha ka por 6 baje u la pynieng ïa kane ka Bolero kaba dang dei ha ka kyrteng jong i Kong K. L. Nonglait, hakhmat iing harud surok. Ha ka por 3:15 janmiet, u la ïohi ba don ba phai ïa ka kali jong u bad u la nang pyrkhat ba dei ki para ne kiba don ha iing jongu kiba ñiah. Hynrei dei ynda hadien ba u la kylli na ki, u la sngewthuh ba don ba tuh. Kumta u la mareh ban peit bad u la shu ïohi liak ba uba ñiah u phong sopti rong blu.
Mar kumta hi u la leit ban ujor da ka ejahar ha Lumdiengjri PS. U la kyntu ruh ba lada don ba lap ïa kali kin pyntip sha u sha u Mob No. 8729873241.
