Shillong, Nohprah 22: U Superintendent of Police (SP) ha ka sngi Palei u la pyntip paidbah ba ïa ki bos kiba kit ïa ki paidbah nongleit nongwan kiba ju ïaid lyngba ka 9lad bad Motphran la pynkylla thymai ïa ka rukom ïaid jong ki kaba yn sdang treikam naduh mynta ka sngi, kum shi bynta ka jingpyrshang shipor ïoh lehse kan pynduna ïa ka jingdheng kali ha kine ki thaiñ.
Ha ka hukum ba la pynmih da u SP naduh mynta ka sngi ki bos na ki thaiñ Mawlai bad ïaid lyngba ka Polo bad kumjuh na ki thaiñ NEIGHRIHMS bad Nongmensong kiba ju ïaid pat sha 9lad bad Motphran lyngba ka CS Junction, IGP bad Kachari yn pynïaid noh na IGP sha Barik bad sha khmat.
Ïa ki bos kiba wan na ki thaiñ Nongthymmai, laitumkhrah ne na Mawlai lyngba ka Lumdiengjri lynbga ka Civil Hispital ban ïaid sha 9lad lyngba ka IGP bad Kachari yn pynïaid noh sha surok ban leit sha Ïing sah u Lat bad sha khmat..
Lah ban kdew ba ka deputy Commissioner jong ka East Khasi Hills ha ka hukum kaba la pynmih ha ka sngi Balang ka la khang ïa ki bos kiba ju ïaid sha 9lad bad Motphran kaba yn sdang naduh mynta ka sngi.
