Pynkup burom ka tnad pulit ïa ki khynnah skul bad nonghikai ba pynlait im ïa i khyllung ha Ri-Bhoi

Nongpoh, Jymmang 05: Ka ophis u Superintendent of Police ka Ri-Bhoi District mynta ka sngi kila pynkup burom ïaki khynnah skul, ki nonghikai kiba la don bynta ban pynlait im ïa iwei I khyllung ba dang shu kha ha ka jingjia kaba la jia haka 27 tarik Ïaiong 2026 ha Ri-Bhoi District.
Naka liang ka tnad pulit kala shim ïa katei ka sienjam kum ka jingai mynsiem ïa kitei ki briew kiba la don bynta ban pynlait im ïa itei I khyllung, namar ka jingsted jong ki ban ïarap kala pynlong ïa itei I khyllung ban lait im, bad khamtam ka nuksa ïa kiwei ruh ba ka long kaba donkam ban ïarap bad ban pynim ïaki mynsiem briew haka por kaba biang bad ba donkam.